Serikali Awamu ya Tano Yaipiga Jeki kwa Kishindo Sekta ya Afya

Mkurugenzi wa Idara ya Habari - MAELEZO na Msemaji Mkuu wa Serikali, Dkt. Hassan Abbasi akifanyamahojino na
Mtangazaji wa Redio Time FM ya Jijini Dar es Salaam hivi karibuni

Na: Grace Semfuko,MAELEZO

Serikali imeongeza bajeti ya Vifaa tiba kutoka shilingi Bilioni 31 hadi kufikia Bilioni 270 katika kipindi cha Miaka mitatu na kujenga Vituo vya afya zaidi ya 352 pamoja na hospitali kubwa 67.

Hayo yamebainishwa na Msemaji Mkuu wa Serikali Dkt Hssan Abbasi takati wa mahojiano na kipindi cha Mseto on Saturday kinachorushwa na kituo cha Redio Times cha Jijini Dar Es Salaam.

Dkt Abbasi alisema hatua hiyo ya kuongeza bajeti ya afya ni kuimarisha uhakika wa huduma hiyo kote nchini na kuwataka watanzania kunufaika na huduma hizo.

Alisema hivi sasa Serikali imeondokana na tabia ya ununuzi wa dawa kutoka kwa madalali wa kawaida na sasa inanunua dawa hizo kutoka viwandani hali ambayo imeipa unafuu wa kuwa na dawa na vita tiba vya uhakika.

“ Yaani mtu yupo tu huko Kariakoo, hana kiwanda wala duka la dawa, anapewa tenda ya dawa, na yeye akishapewa hiyo tenda aagize tena dawa huk zinakotoka, hou ujanja unjanja sasa haupo tena, sasa tunaagiza dawa wenyewe toka viwandani na sio kuwatumia madalali wa kati hapa,ndio maana mnaona hakuna tena changamoto za dawa huko hospitalen” alisema Dkt Abbasi.

Akizungumzia suala la ajira Dkt Abbasi alisema zaidi ya wafanyakazi 8,000 wa Sekta ya afya wakiwepo Madaktari, wafamasia na wahudumu mbalimbali wameajiriwa na wapo vituoni wanafanya kazi.

Aidha alisema Serikali imeanza kuleta vifaa tiba vya kibingwa nchini vitakavyotumiwa kwenye kwenye hospitali kubwa nchini  na kuifanya nchi kuwa katika viwango vya hali ya juu kabisa vya matibabu ukilinganisha na nchi nyingine za Afrika Mashariki.

“ Sasa Tanzania imekuwa ni nchi ya ufadhili wa matibabu kwa baadhi ya chi za Afrika au kwa lugea ya kigeni ni Donor Country, kwani inatoa tiba kwa baadhi ya raia wa nchi nyingine, kuna watu niliwaambia tutafika huko wakawa wanakataa, sasa hivi waseme lingine”

Katika kuzidi kuimarisha Sekta ya afya nchini Tanzania imeanza kupandikiza figo ambapo wagonjwa waliokuwa wakienda nje kutibiwa hivi sasa huduma hizo zinapatikana nchini kwa gharama nafuu ukilinganisha na chi nyingine.